Денеска (07.10.2026) во 16:00 часот, на автопатот Скопје – Свети Николе, на околу 3 километри пред НС Преод, полициски службеници од Мобилната единица за безбедност на сообраќајот на патиштата при Секторот за сообраќајни работи, со помош на уред за мерење на брзина „LaserCam 4“, измериле брзина од 203 километри на час на патничко возило „мерцедес“ со скопски регистарски ознаки, соопшти МВР.
„Возилото се движело надвор од населено место, каде максимално дозволената брзина е 130 километри на час.
Против возачот се преземени соодветни мерки согласно Законот за безбедност на сообраќајот на патиштата.
Сообраќајните контроли продолжуваат на територијата на целата држава, со цел санкционирање на прекршителите, зголемување на безбедноста во сообраќајот и заштита на сите учесници во сообраќајот, соопштија од МВР.
Министерството за внатрешни работи апелира до сите учесници во сообраќајот да ги почитуваат сообраќајните правила и прописи и да ја приспособат брзината кон условите на патот, со што заеднички ќе придонесеме за побезбедни патишта.