ЈКП „Водовод“ – Битола најави почеток на организирана теренска акција за проверка и ажурирање на податоците за корисниците, водомерите и водоводните приклучоци на територијата на општината.
Во првата фаза од акцијата, теренските екипи ќе работат во населените места Долно Оризари, Буковски Ливади, како и во Старата Битолска Чаршија.
Од претпријатието апелираат до граѓаните од овие региони да овозможат слободен и безбеден пристап до водомерите и да бидат достапни доколку е потребно усогласување на корисничките податоци. Акцијата на терен ќе продолжи етапно и во останатите населени места, за што јавноста ќе биде дополнително информирана.