Во Општина Аеродром денеска ќе започнат обуките во рамки на мерката „Поддршка за самовработување – претприемништво“, која се реализира од Агенцијата за иновации, научно-технолошки развој и претприемништво – ИНОВА, во соработка со Агенцијата за вработување.
На настанот се очекуваат обраќања од градоначалникот на Аеродром, Дејан Митески, заменик-министерот за економија и труд, Марјан Ристески, директорката на ИНОВА, Даниела Димовска, и заменик-директорката на Агенцијата за вработување, Весна Пешова.
Мерката има за цел да го поттикне самовработувањето и развојот на претприемништвото преку обуки и поддршка за лицата кои планираат да започнат сопствен бизнис.
Почетокот на обуките е дел од теренските активности на ИНОВА, преку кои се следи нивната реализација, се разговара со учесниците и се собираат информации за нивните бизнис-идеи и искуства.