УХМР ги измери температурите во градовите низ Македонија, претпладнево во 11 часот. Според податоците од Управата за хидрометеоролошки работи, во 11 часот најстудено е на Попова Шапка со измерени 6 степени, додека најтопло во Гевгелија со измерени 22 степени Целзиусови.
Во главниот град УХМР измери 18 степени, со што Скопје е едно од потоплите места денеска.
Времето денеска ќе биде сончево со мала до умерена локална облачност. Ќе дува слаб до умерен ветер од северен правец, кој долж Повардарието повремено ќе засилува, информираат од Управата за хидрометеоролошки работи.
Минималната температура ќе биде во интервал од 1 до 12 степени, а максималната ќе достигне од 18 до 25 степени.
Во Скопје ќе биде сончево со мала до умерена локална облачност. Ќе дува слаб до умерен ветер од јужен правец. Минималната температура ќе се спушти до 7, а максималната ќе достигне до 23 степени.
Под влијание на циклонска активност, во петок попладне и во текот на ноќта кон сабота ќе има врнежи од дожд, кои наместа ќе бидат пообилни, со над 30 литри на квадратен метар.
Потоа следува период на стабилно време со пониски утрински температури.