Претседателката Гордана Сиљановска-Давкова привлече внимание и со модното издание на црвениот тепих на свеченото отворање на 47. фестивал „Браќа Манаки“ во Битола.
За вечерта избра светлосин фустан со крупен цветен принт во сина, розова, портокалова и зелена боја, со нагласена половина и широко здолниште. Изгледот го надополни со светли чевли и минималистички накит.
Сиљановска-Давкова, како покровителка на фестивалот, го прогласи за отворено годинешното издание и му ја врачи „Златната камера 300“ за животно дело на данскиот кинематографер Дан Лаустсен.
Фестивалот годинава се одржува под мотото „Ткајачи на филм“ и ќе трае до 25 септември.