По повод 8 Септември – Денот на независноста, политичката партија Движење ЗНАМ за наша Македонија упати празнична честитка до сите граѓани, потенцирајќи ја важноста на зачувувањето на државноста и градењето сигурна иднина.
Од ЗНАМ потсетуваат на референдумското изјаснување од 1991 година како историски момент за земјата.
„Пред 35 години, со референдумот на 8-ми Септември 1991 година, народот ја потврди својата историска одлука – да живее во суверена, самостојна и независна држава“, се вели во соопштението.
Од партијата истакнуваат дека одбележувањето на 35-годишнината од независноста носи и одговорност за обезбедување еднакви можности за сите граѓани.
„Денес, 35 години подоцна, независноста е наша чест, но и наша обврска. Обврска да ја чуваме државноста, да го браниме достоинството и да создадеме Македонија во која секој граѓанин ќе има сигурна иднина и еднаква можност за успех. Македонија е наша татковина. Независноста е наше наследство. Иднината е наша заедничка обврска. Да продолжиме заеднички да ја градиме силна, стабилна, достоинствена и европска Македонија“, нагласуваат од ЗНАМ.
На крајот од соопштението, од Движењето ЗНАМ за наша Македонија упатуваат празнични честитки по повод јубилејот.
„Честит 8-ми Септември! Честити 35 години независна Македонија!“, стои во соопштението од партијата.