Македонски Брод е зафатен од невреме следено со засилен ветер, пороен дожд, електрични празнења и појава на суградица, соопшти Управата за хидрометеоролошки работи (УХМР).
Според најновиот метеоролошки извештај, силни врнежи од дожд во моментот има и во делови од Гостивар.
Исто така, невреме проследено со пороен дожд и грмежи е регистрирано и во подрачјето западно од Велес.
Од УХМР информираат дека сите нестабилни метеоролошки маси имаат правец на движење од запад кон исток.