Педесетгодишен велешанец и неговиот 20-годишен син се приведени откако 22-годишен жител на Велес пријавил дека бил физички нападнат и насилно внесен во возило.
Според МВР, на 1 септември во 13:10 часот полициски службеници од СВР Велес ги лишиле од слобода Н.С. (50) и М.С. (20), двајцата од Велес.
Претходно, 22-годишникот пријавил дека бил пресретнат од неговиот татко Н.С. и братот М.С. Во еден момент, според пријавеното, таткото физички го нападнал, а потоа без негова согласност го внел во возило, каде продолжил со нападот.
Двајцата биле задржани во полициска станица, а за случајот биле известени јавен обвинител и Центарот за социјални работи во Велес.
Од МВР информираат дека по целосно документирање на случајот ќе бидат поднесени соодветни пријави.