Управата за хидрометеоролошки работи (УХМР) објави портокалов метеоаларм за високи температури на територијата на целата држава.
Времето утре претпладне ќе биде сончево и многу топло, со максимални дневни температури кои ќе се движат од 30 до 36 степени Целзиусови.
Во попладневните часови се очекува појава на нестабилност проследена со засилен ветер, пороен дожд, грмежи и услови за појава на град. Локално процесите ќе бидат во форма на невреме со силен ветер, пороен дожд и појава на град.
Речиси идентични временски прилики се најавуваат и за задутре. Претпладнето ќе биде сончево и многу топло, додека попладне повторно ќе има појава на нестабилност со засилен ветер, пороен дожд, грмежи и услови за локално невреме со град.
До почетокот на следната седмица времето ќе се стабилизира и ќе биде сончево и топло со мала до умерена локална облачност.
Во четврток и петок ќе дува засилен до силен ветер, претежно од северен правец.