Регулаторната комисија за енергетика, водни услуги и услуги за управување со комунален отпад (РКЕ) вчера, 31.08.2026, донесе одлука со која малопродажните цени на нафтените деривати во просек се намалуваат за 2,06% во однос на претходната пресметка.
Од полноќ дизелот и екстра лесното масло за домаќинство бележат значително поевтинување, додека цените на бензините се зголемуваат.
Малопродажната цена на ЕУРОДИЗЕЛ (Д-Е V) се намалува за 6,50 денари по литар и изнесува 95,00 денари.
Малопродажната цена на Екстра лесното масло за домаќинство (ЕЛ-1) се намалува за 3,50 денари и изнесува 97,00 денари по литар.
Цените на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 денар по литар. Новата цена на ЕУРОСУПЕР БС-95 изнесува 94,00 денари/литар, додека ЕУРОСУПЕР БС-98 се продава по цена од 96,00 денари/литар.
РКЕ, принтскрин
Малопродажната цена на Мазутот М-1 НС се намалува за 1,166 ден/кг и изнесува 44,410 ден/кг.
Од РКЕ информираат дека референтните цени на светскиот пазар бележат зголемување кај бензините за 2,212%, додека кај дизелот има намалување за 8,237%, кај екстра лесното масло за 4,389% и кај мазутот за 2,793%. Курсот на денарот во однос на доларот е понизок за 0,5477%.
Од регулаторната комисија напоменуваат дека ова се максималните утврдени цени, а трговците на големо и мало можат да ги формираат цените и пониско од највисоките утврдени износи.