Министерот за внатрешни работи Панче Тошковски призна дека МВР не очекувало толкав интензитет на сообраќај на граничниот премин Табановце во првиот ден од примената на новиот систем за контрола на странските возачи, што доведе до големи гужви и притисок врз системот.
Тошковски вели дека првичните проценки биле оти бројот на возила во краток временски интервал нема да биде толку голем, но реалната состојба на терен покажала поинаку.
„Согласно првичните проценки што ги имавме, сметавме дека нема да има толкав интензитет во еден временски интервал“, рече Тошковски.
Тој појасни дека македонските државјани немале проблем при излез од државата, бидејќи биле селектирани и пропуштани без дополнителна контрола, додека странските државјани биле проверувани.
Министерот призна дека првиот ден од имплементацијата на системот имало сериозни предизвици.