По повеќечасовна работа, утрово во 03:30 часот ги завршуваме теренските активности од новата вонредна акција за прскање против комарци на територијата на општина Гази Баба. Ова на Фејсбук го напиша градоначалникот на Гази Баба, Бобан Стефковски.
– И вечерва екипите поминаа низ Смилковци, Црешево, Стајковци, Сингелиќ, Ченто, Инџиково, Маџари, Триангла, Хиподром, Ергеле, Трубарево, Гоце Делчев, Јурумлери, Раштак, Брњарци, Виниче, Булачани, Идризово, Дрма, Колонија, Кирил Петрушевски, Автокоманда и Железара, а започнавме од Керамидница.
Ова е резултат на заедничка и координирана акција на Центарот за јавно здравје, Град Скопје и Општина Гази Баба.
Институциите функционираат, институциите се координирани и институциите постапуваат! Кога станува збор за здравјето и безбедноста на граѓаните, потребни се одговорност, навремена реакција и конкретни активности на терен.
И оваа вечер ја поминав заедно со тимовите на терен, бидејќи сакам лично да бидам таму каде што се работи и каде што е потребно да се делува.
Нашата работа не завршува тука. Со засилените активности ќе продолжиме и во следните денови, согласно состојбата на терен и во постојана координација со надлежните институции.
Ќе продолжиме да ја следиме состојбата, да разменуваме информации и навремено да реагираме секаде каде што ќе биде потребно.
За нас нема поважна обврска од заштитата на животот и здравјето на нашите граѓани, стои во објавата.