Здруженијата на превозници од Западен Балкан ќе го почекаат состанокот со претставници на Европската комисија закажан за 1 септември во Брисел, од чиј исход ќе зависи дали ќе отпочнат со протести.
На денешниот состанок одржан во Скопје, превозниците истакнаа дека не сакаат да излезат на протести, но доколку бидат принудени, овојпат нема да ги прекинат активностите сè до конечно исполнување на барањата за престојот на професионалните возачи во Шенген зоната.
Ние ќе бидеме трпеливи, ќе се трудиме да направиме шеми за движење на возачите. Сега е период на годишни одмори, меѓутоа она што следува од септември натаму ќе биде многу трагично ако не најдеме решение. Не сакаме да му наштетиме на никого, ниту на Европска Унија, ниту на нашите држави, а најмалку на нас самите превозниците, но ако сме принудини ќе организираме протести со коишто уште еднаш ќе ги потсетиме сите дека сепак постои проблем којшто треба да се реши, изјави Биљана Муратовска, генерален секретар на Асоцијацијата на превозници – Макам-транс.
Превозниците се надеваат дека во Брисел ќе се најде компромис бидејќи радиокалните чекори не се во ничиј интерес.
Одлуките за протести генерално се донесени во нашите земји и на ниво на управни одбори, но како превозници не сакаме да протестираме бидејќи тоа се одразува на целото општество, но ако бидеме принудени, ќе мора да излеземе. Искрено се надеваме и посакуваме тоа да не се случи, изјави Неџо Мандиќ од Србија.
Здруженијата бараат стриктно почитување на правилото за 90 дена престој во последните 180 дена и прецизно пресметување на часовите, наместо цели денови при влез и излез.
Значи, ги бараме своите 90 полни денови. Ако останат на тоа денот на влез да се пресметува како прв ден, а денот на излез како втор ден, тогаш сме во сериозен проблем и тогаш проблемот нема да биде решен бидјеќи ние не сме обични граѓани кои одат туристички во државите од Шенген зоната, туку сме професионалнци кои секојдневно, зависно од должината ан турата, работиме, нагласи Мандиќ.
Според него, околу 50 проценти од возачите веќе одбиваат да возат поради неизвесноста и различните толкувања на правилата од страна на граничните службеници.
Зависиме од поединци на граница и од начинот на кој ја толкуваат одлуката. Имаме тотална неизвесност. Возачите тргнуваат на пат и знаат дека го немаат потрошено времето, но кога ќе дојдат таму, еден ќе им каже едно, друг друго, еден ќе ги пушти, друг нема… Тргуваат како да се на пазар – Можам да те пуштам уште три дена, можам уште пет дена…“, а во суштина возачот знае дека не направил прекршок, вели Мандиќ.
Засегнати од овој проблем се околу 17.000 професионални возачи од Македонија, додека на ниво на регионот таа бројка достигнува 100.000 возачи.