Вчера во 14:30 часот на улицата „Гоце Делчев“ во Кратово, полициски службеници од ОВР Кратово го лишиле од слобода И.Л.(74) од Крива Паланка.
Како што се наведува во полицискиот билтен, при сообраќајна контрола на улица „Гоце Делчев“ во Кратово, било сопрено патничко возило „дачиа сандеро“ со кривопаланечки регистарски ознаки, кое го управувал, при што било констатирано дека го управува без положен возачки испит, односно без возачка дозвола.
По целосно документирање на случајот, против него ќе следува соодветна пријава.