Управата за хидрометеоролошки работи (УХМР) излезе со нови информации за временската состојба во земјава, посочувајќи дека повеќе региони се зафатени со нестабилни облачни маси проследени со дожд и грмежи.
Според последните мерења на метеоролошката служба, Куманово и неговата околина се под влијание на нестабилност која носи умерен до засилен дожд и грмежи.
Развој на временските прилики се бележи и во источниот и јужниот дел од државата.
Од североисток кон Струмица полека се спушта нестабилна облачна маса, додека на југот од Македонија сè уште има нестабилност во Валандовскиот регион, а слаба нестабилност е регистрирана и во Гевгелија.
Што се однесува до западниот дел од земјата, планинските подрачја во западна Македонија и Полошкиот регион се зафатени со слаба нестабилна облачна маса.
Оваа облачност, според УХМР, е проследена со умерени врнежи од дожд и ретки грмежи.
Метеоролозите ја следат состојбата на теренот и ги известуваат граѓаните за преместувањето на овие облачни системи.