Топло од рано наутро низ Македонија. Гевгелија со 26 степени ова утро во 8 часот е натоплото место, додека берово со 16 степени е најсвежото место утрово низ Македонија.
Денес времето ќе биде сончево и многу топло, со мала до умерена локална облачност. Ќе дува слаб до умерен ветер од северен правец, а долж Повардарието на места повремено ќе се засилува. Во попладневните часови се очекува локален развој на нестабилна облачност, проследен со краткотраен пороен дожд и ретки грмежи. Утринските температури ќе се движат од 13 до 22 степени, додека дневните ќе достигнат од 32 до 38 степени.
Во Скопје ќе преовладува сончево и многу топло време со мала до умерена облачност. Ќе дува слаб до умерен северен ветер. Минималната температура ќе изнесува 21 степен, а максималната ќе достигне 37 степени.
Во следните денови ќе продолжи периодот на сончево и многу топло време, при што во одделни места дневната температура ќе достигне и до 40 степени. Во попладневните часови ќе има услови за локален развој на нестабилна облачност, со краткотраен пороен дожд и ретки грмежи.