Управата за хидрометеоролошки работи (УХМР) излезе со нови вонредни информации за временската состојба, предупредувајќи на развој на локална нестабилност во повеќе региони во земјава.
Според последните мерења и радарски слики од метеоролошките центри, нестабилното време е подгреано со поројни врнежи од дожд и грмежи.
Во тетовскиот регион се бележи процес на нестабилност кој, покрај интензивниот дожд и електричните празнења, е проследен и со можна појава на суградица.
Слична метеоролошка состојба е регистрирана и на истокот од земјава.
Од УХМР информираат дека западно од Штип е развиена нестабилност проследена со пороен дожд, грмежи и исто така со можна појава на суградица.