Германската полиција започна истрага за сомнителен предмет пронајден во непосредна близина на пистата на аеродромот Лајпциг/Хале, поради што привремено беа прекинати дел од авионските операции.
За време на безбедносната проверка, јужната писта на аеродромот, која служи како клучен логистички центар за компанијата DHL, беше целосно затворена за сообраќај.
Неименуван портпарол на полицијата изјави дека јужната писта на аеродромот, која служи како главен центар за логистичката група DHL, останала затворена додека експертите го испитувале предметот, користејќи технологија за деактивирање експлозиви.
Во рамки на истрагата, германските власти ги испитуваат и извештаите за неидентификуван летачки објект кој потенцијално се поврзува со овој инцидент.
Поради безбедносните протоколи, неколку авиони, меѓу кои и еден патнички лет, беа пренасочени во текот на ноќта, но утрово сообраќајот на аеродромот целосно се нормализираше.
Аеродромите ширум Германија во изминатиот период се наоѓаат во состојба на зголемена готовност поради серија неовластени прелети на беспилотни летала во близина на критична инфраструктура, вклучувајќи воени објекти, енергетски терминали, пристаништа и логистички центри.