На територијата на државата денеска до 19 часот се регистрирани вкупно 10 пожари на отворен простор, од кои три сè уште се активни, додека останатите седум се целосно локализирани и изгаснати.
Според соопштението од Центарот за управување со кризи (ЦУК), еден од активните пожари е во општина Желино, кај селото Горна Лешница, каде што гори сува трева и мешана шума.
Вториот активен пожар е лоциран во општина Валандово, на подрачјето на селото Удово покрај реката Вардар, каде што е опожарена ниска вегетација.
Третиот активен оган е регистриран во општина Долнени, во регионот на селата Црнилиште и Стровија, каде што се опфатени сува трева и ѓубре.
Од ЦУК информираат дека преостанатите седум пожари се успешно изгаснати.
Интервенции имало на територијата на општините Долнени, Кавадарци, Кичево, Делчево и Желино, како и на две локации во гостиварскиот регион.