Жителите и посетителите, Грци и странски туристи, се повикуваат итно да го напуштат загрозеното подрачје поради пожарот кој опасно се приближува кон нивните локации.
Ситуацијата на терен е драматична. Пламените се чини дека висат над главите на луѓето, додека небото е целосно покриено со густ чад што го отежнува дишењето. Секој нов налет на силниот ветер носи дополнителна неизвесност и страв кај мештаните, кои со загриженост го следат движењето на огнената стихија за да ги заштитат своите домови и имоти.
На терен се распоредени голем број противпожарни возила кои се во постојана готовност.
Пожарникарите водат тешка битка за да го спречат огнениот фронт да се спушти од планината и да ги заштитат човечките животи.