На 78-годишна возраст во Перт, Австралија, почина Златан Ибрахимбеговиќ, еден од најуспешните кајакари од поранешна Југославија и првиот спортист од Бања Лука кој настапил на Олимписки игри.
Ибрахимбеговиќ е роден на 18 март 1948 година. Врвот на својата спортска кариера го достигна во 1972 година, кога настапи за југословенската репрезентација на Олимписките игри во Минхен.
Во текот на кариерата тој беше редовен учесник на светските првенства, меѓу кои во Бур Сен Морис во Франција (1969), Мерано во Италија (1971), Муотатал во Швајцарија (1973) и Скопје (1975).
За своите спортски успеси, во 1971 година беше прогласен за најдобар спортист на Босанска Краина во изборот на „Глас“, а во неколку наврати се наоѓаше меѓу десетте најдобри спортисти во регионот.
По завршувањето на сопствената кариера, тој со години живееше во Австралија каде што работеше како тренер на австралиската национална репрезентација во кајакарство. Ибрахимбеговиќ редовно го посетуваше родниот град, а последен пат во Бања Лука престојуваше во 2019 година, предводејќи ја австралиската репрезентација на меѓународно натпреварување.