Струмица со 28,1 и Гевгелија со 27,7 степени беа најтоплите градови во Македонија денеска до 17:00 часот, покажуваат најновите мерења на УХМР.
Во исто време, во Претор падна најмногу дожд во последните девет часа, каде што се измерени 26,2 литри на метар квадратен.
Во Скопје максималната температура на мерното место Петровец достигнала 20,6 степени, додека на Зајчев Рид биле измерени 19,4 степени.
Најстудено било на Попова Шапка каде што дневниот максимум изнесувал скромни 8,6 степени.
Покрај Претор, пообилни врнежи од дожд беа регистрирани и во Битола (7,2 l/m²), Попова Шапка (6,9 l/m²), Маврови Анови (6,1 l/m²) и Пожаране (5,8 l/m²).
Деталните податоци за температурите и врнежите по региони се достапни во официјалната табела на Управата за хидрометеоролошки работи.