Бројот на загинатите во двата силни земјотреси со интензитет од 7,2 и 7,5 степени што пред речиси еден месец ја потресоа северна Венецуела достигна 5.208 лица.
Новиот црн биланс следи откако тамошните власти во официјалната статистика додадоа уште 89 новооткриени жртви.
Претседателот на Националното собрание, Хорхе Родригес, соопшти дека бројот на повредени граѓани останува 16.740, додека без покрив над главата останале 17.907 лица.
Според најновите податоци, дури 23.820 жители во моментов се сместени во 107 привремени кампови низ земјата.
Надлежните служби досега успеале да обезбедат итна помош за 128.324 семејства кои се директно погодени од природната катастрофа.
По разорните земјотреси што ја погодија Венецуела на 24 јуни, сеизмолозите регистрирале вкупно 1.388 последователни потреси.
Последниот од нив, со магнитуда од три степени, бил забележан вчераутро на околу 9 километри западно од Ла Гуаира, на длабочина од 3,9 километри.
Властите и понатаму продолжуваат со спасувачките и хуманитарните операции на терен, каде се евидентирани огромни штети на објектите и инфраструктурата.