76-годишна жена е тешко повредена откако била удрена од патничко возило во сообраќајна несреќа во Велес.
Несреќата се случила на 14 јули 2026 година околу 09:20 часот на улицата „Благој Ѓорев“, каде возило „мерцедес“ со велешки регистарски ознаки, управувано од Р.И. (41) од село Горно Јаболчиште, општина Чашка, удрило во пешачката Љ.Н. од Велес.
Повредената жена била пренесена во Општата болница Велес, каде ѝ биле констатирани тешки телесни повреди.
По наредба на јавен обвинител, увид на местото на несреќата извршила увидна екипа од СВР Велес.