На 13 јули 2026 година, во 19:40 часот, во СВР Скопје, С.П. (42) од Скопје пријавил дека на подрачјето на Општина Аеродром, неговиот малолетен син бил физички нападнат од друг малолетник.
Од полицијата информираат дека се преземаат мерки за целосно расчистување на случајот.
Деновиве за жал Македонија се почесто е сведок на случаи со нападнати малолетници. Последниот случај кој ја разбранува македонската јавноста беше нападнатото малолетно девојче од Куманово.
Според информациите од МВР, пријавените навредувале и физички нападнале 14-годишно девојче, а целиот настан го снимале со мобилен телефон. По нападот, на малолетничката ѝ се заканиле да не го пријавува случајот и да не зборува за видеото.
Настанот се случил во март годинава.
Претходно, уште едно видео со врсничко насилство ја потресе македонската јавност, на кое малолетничка од Аеродром клекната на колена беше тепана од врснички.