Собранието го избра Агон Ферати за нов министер за односи меѓу заедниците, како предлог од коалицијата ВРЕДИ, во рамки на реконструкцијата на Владата.
Ферати е магистер по бизнис администрација на Универзитетот на Југоисточна Европа, а има завршено и специјализација за одржливи, отпорни и инклузивни јавни услуги на Универзитетот во Лунд, Шведска.
Во својата професионална биографија наведува дека од 2012 година до денес работи како советник за управување со проекти финансирани од Европската Унија во Одделението за локален економски развој при Општина Тетово.
Во периодот од 2023 до 2024 година бил ангажиран и како експерт за Поглавје 8 – Политика на конкуренција во УНОПС – Австрија, во канцеларијата во Скопје.
Ферати, според доставената биографија, го познава англискиот јазик.