УХМР ова утро ги измери температурите низ Македонија, во осум часот.
Според мерењата на УХМР, најсвежо утро има на Попова Шапка, каде се измерени 12 степени во 8 часот.
Гевгелија е најтоплиот град утринава со 26 степени, по што следи Кавадарци со 24, Струмица 23, Велес и Скопје со 22 степени измерени во 8 часот.
Времето денеска ќе биде претежно сончево со мала до умерена локална облачност. Ќе дува слаб до умерен ветер од северен правец, а долж Повардарието и во источните делови повремено ќе биде засилен.
Утринските температури ќе се движат од 11 до 21 степен, додека дневните ќе достигнат од 30 до 36 степени.
Во Скопје ќе преовладува сончево време со мала до умерена облачност. Ќе дува слаб до умерен северен ветер, а температурата ќе се движи од 17 степени во утринските часови до максимални 35 степени во текот на денот.
Според прогнозата на Управата за хидрометеоролошки работи (УХМР), и во наредните денови ќе се задржи сончево и топло време со мала до умерена облачност. Од среда попладне се очекува локална нестабилност проследена со пороен дожд, грмежи и засилен ветер во одделни делови од земјата.