Испукал повеќе куршуми од огнено оружје среде семејна веселба. Полициски службеник под лупа на Внатрешна контрола при Министерство за внатрешни работи.
Инцидентот се случил за време на приватна забава, кога наместо да гарантира безбедност, домаќинот извадил оружје и почнал неконтролирано да пука во присуство на поголем број луѓе кои биле изложени на директна опасност.
Како правна последица за оваа неодговорна постапка, против З.Р., вработен како полициски службеник во Полициската станица за граничен надзор Чашка, е поднесена кривична пријава за „предизвикување општа опасност“ по член 288 од Кривичниот законик.
Покрај кривичниот прогон, Внатрешната контрола на МВР веднаш покрена дисциплинска постапка за кршење на работниот ред, при што за насилникот е изречена итна суспензија од работното место до конечната разрешница.
- „Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција-специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против З.Р. полициски службеник од Полициска станица за граничен надзор Чашка поради постоење основи на сомнение за сторено кривично дело ,,предизвикување општа опасност“ по член 288 став 3 од Кривичниот законик. Имено на 22.05.2026 пријавениот полициски службеник во дворот на неговата семејна куќа, за време на семејна прослава, во присуство на поголем број гости испукал повеќе истрели од огнено оружје со што предизвикал опасност за животот и телото на присутните. Одделот за внатрешна контрола… ќе поднесе предлог за поведување на постапка за утврдување на одговорност… и ќе изрече задолжителни мерки како и отстранување од работното место до завршување на дисциплинската постапка–суспензија“, велат од МВР.