Потврдени се листите со кандидати за советници и за градоначалник на Општина Кочани за локалните избори што ќе се одржат на 19 октомври, соопшти претседателот на ОИК, Билјана Димовска Гичева. Ова значи дека кочанчани пред себе ќе имаат избор како никогаш до сега од осамостојувањето – шест кандидати за градоначалник и девет листи со кандидати за советници.
Д – р Влатко Грозданов, како надпартиски кандидат, доби поиддршка за градоначалник од редовите на ВМРО – ДПМНЕ и коалицијата, Игор Христов на СДСМ и нивната коалиција. Даниел Глигоров е кандидиран од партијата Единствена Македонија, а Жаклина Филипова Свеќароска на Левица. Зоран Тодоров и Венко Крстевски се независни кандидати за градоначалник на Општина Кочани.
Носители на кандидатските листи за членови на Советот на Општината се Група избирачи – Благица Сабовљевиќ Стоименова, Група избирачи – Аки Акиов, Група избирачи – Влатко Здравков, Партија ЗНАМ – Суад Мехмед, Партија Левица – Ванчо Мишев, Партија СДСМ – Александра Коцева, Партија ВМРО‑ДПМНЕ – Александар Андов и Коалиција „Искуство за успех“ (ЛДП, ГРОМ, Интегра‑Македонска конзервативна партија, ПЦЕР) – Катерина Христова и нисител на советничката листа на Партија Граѓанска иницијатива ГРИН е Благој Илиевски.