Многу топло од рано наутро во Македонија. УХМР објави какви се температурите во осум часот во градовите низ Македонија.
Во Берово се измерени 20 степени и тоа е најниската температура утринава. Најтопло е во Гевгелија со 28 степени.
Во Скопје се измерени 25 степени.
Времето денеска ќе биде претежно сончево и топло, со мала до умерена облачност. Во вечерните часови се очекуваат услови за локална нестабилност, проследена со пороен дожд, грмежи и засилен ветер. Ќе дува слаб до умерен ветер од североисточен правец. Утринските температури ќе се движат од 10 до 19 степени, додека дневните ќе достигнат од 30 до 39 степени.
Во Скопје ќе преовладува сончево и топло време со мала до умерена облачност. Ќе дува слаб до умерен ветер од југоисточен правец. Во попладневните часови, во делови од котлината, ќе има услови за краткотрајна нестабилност со пороен дожд, грмежи и засилен ветер. Минималната температура ќе изнесува околу 18 степени, а максималната ќе достигне до 37 степени.
Од утре попладне па сè до сабота времето ќе биде променливо облачно и нестабилно, со повремен дожд и грмежи, особено во попладневните часови и во текот на ноќта. На одделни места се очекуваат поинтензивни временски процеси во форма на невреме, проследено со обилен пороен дожд, електрични празнења, силен ветер со брзина над 60 km/h и појава на град. Од среда се очекува постепено намалување на температурите, а за време на викендот ќе дува умерен до засилен северен ветер.