Едноиполгодишно момче ја загуби битката за живот на Универзитетската детска клиника во Тиршова, откако пред шест дена беше тешко повредено во несреќа кога неговиот дедо го прегази со трактор во белградската населба Гроцка.
Лекарите во Белград со денови се бореа за животот на детето, кое по несреќата беше примено во исклучително тешка здравствена состојба.
Според медицинските извештаи, момчето при ударот се здобило со фрактура на черепот, контузија на мозокот и крварење во мозокот, поради што итно било хоспитализирано.
Истражните органи веќе земаа изјави од инволвираните во овој трагичен настан, со цел целосно да се утврдат околностите.
Дедото Н. Ј. (57) дал детален исказ во полицијата, објаснувајќи дека малото момче незабележано се протнало под возилото додека тој и неговиот син закачувале камион-цистерна.
Бидејќи никој од присутните не го забележал детето, дедото го придвижил тракторот наназад во рикверц, по што се случила несреќата.
Полициското тестирање со алкотест кај двајцата возрасни мажи покажало негативен резултат, односно потврдило дека ниту еден од нив не бил под дејство на алкохол.
Таткото Т. Ј. (34) и дедото веднаш по инцидентот го ставиле повреденото дете во автомобил и го одвезле во локалниот Здравствен дом, од каде со итна медицинска помош било префрлено во Белград.
Настанот се случи на 23 јуни во местото Бегалица, каде што живее семејството, и длабоко ја потресе локалната јавност.