Амбасадорот на Европската Унија во Северна Македонија, Михалис Рокас, денеска ќе престојува во работна посета на Гостивар, во рамки на иницијативата за доближување на Европската Унија и процесот на евроинтеграција до локалните заедници.
Посетата ќе започне со средба со градоначалникот Валбон Лимани и членовите на Советот на Општина Гостивар. На состанокот ќе се разговара за придобивките од членството во Европската Унија, како и за ефектите од проектите финансирани со европски средства врз развојот на општината и квалитетот на живот на граѓаните.
Во текот на денот, Рокас ќе се сретне и со претставници на граѓанскиот сектор, а ќе учествува и на отворена дискусија со жителите на Гостивар.
Во програмата е предвидена и презентација на програмата LIFE и можностите за европско финансирање на проекти од областа на животната средина, климатските политики и транзицијата кон чиста енергија. Настанот, организиран во рамки на проектот eHUB4LIFE, ќе го отворат градоначалникот Лимани, амбасадорот Рокас и министерот за животна средина и просторно планирање, Муамет Хоџа.