Претпладне времето ќе биде претежно сончево со мала до умерена облачност. Во попладневните часови се очекува развој на нестабилна облачност, проследена со дожд, грмежи и засилен ветер, а локално се можни и врнежи од град.
Ќе дува слаб до умерен ветер од северен правец, кој повремено ќе се засилува. Минималната температура ќе се движи меѓу 10 и 18 степени, додека максималната ќе достигне од 29 до 38 степени.
Во Скопје претпладне ќе преовладува сончево време со мала до умерена облачност. Попладне се очекува нестабилност со можност за дожд, грмежи и засилен северен ветер.
Минималната температура ќе изнесува околу 17 степени, а максималната ќе достигне до 35 степени.
Утре, времето ќе биде сончево и топло со мала до умерена облачност. Во попладневните часови ќе има услови за развој на локално невреме, проследено со пороен дожд, грмежи и засилен ветер. Ќе дува слаб до умерен ветер од променлив правец.
Во Скопје претпладне сончево време со мала до умерена облачност. Во попладневните часови ќе има услови за развој на нестабилна облачност, проследена со дожд, грмежи и засилен северен ветер.
Во среда во попладневните часови ќе има услови за развој на локално невреме, проследено со пороен дожд, грмежи и засилен ветер. Ќе дува слаб до умерен ветер од променлив правец. Температурата ќе се качи до 36 степени.
Инаку, цел регион е зафатен од високи температури. Хрватска е погодена од силен топлотен бран кој, според моменталните прогнози, ќе трае најмалку уште седум дена. Поради топлото време и можно силно невреме Управата за заштита на природата веќе издаде предупредување за Славонија, загребскиот регион, Истра и за Кварнер.
Посебен апел за заштита и избегнување на директно сонце помеѓу 10 и 17 часот е упатен до децата, бремените жени, постарите лица и хронично болните.