Во рамки на трипартитна соработка меѓу АД ЕСМ, ЕСМ хотел „Молика“ и Општина Новаци, вкупно 150 ученици од прво до деветто одделение од ЦОУ „Славко Лумбарковски“ од Новаци бесплатно престојуваат во хотелот „Молика“ на Пелистер.
Првата група од 75 ученици денеска го заврши својот престој, додека попладне започнува сместувањето на втората група од исто толку ученици.
Градоначалникот на Општина Новаци, Стевче Стевановски, при посетата на учениците истакна дека ваквата активност претставува пример за успешна и континуирана соработка меѓу општината и АД ЕСМ во интерес на локалната заедница.
Бесплатниот престој на учениците од Општина Новаци во хотелот „Молика“ на Пелистер се реализира традиционално, по завршувањето на учебната година.