Редовна координативна средба со скопските градоначалници
Денес, заедно со моите колеги, градоначалниците на општините на територијата на град Скопје и претставници од општините, одржавме редовна координативна средба на која ги дефиниравме следните чекори за подобрување на квалитетот на животот на нашите сограѓани.
Разговаравме отворено, конкретно и одговорно, информираше на социјалните мрежи градоначалникот на Град Скопје, Орце Ѓорѓиевски.
Ги утврдивме приоритетите, ги усогласивме активностите и ги договоривме проектите кои ќе значат подобро утре за секој скопјанец.
Скопје може да оди напред само кога Градот и општините работат заедно, со јасна цел и со силна посветеност.
Затоа, нашата координација е работен процес преку кој решаваме реални проблеми, создаваме нови можности и градиме град што ќе биде поуреден, пофункционален и поблизок до потребите на граѓаните.
Како Град Скопје, стоиме цврсто зад секоја општина.
Таму каде што има потреба, ќе има поддршка. Таму каде што има иницијатива, ќе има реализација.
Таму каде што има проблем, ќе има решение.
Нашиот народ заслужува работа, резултати и дела што се гледаат.
Скопје го градиме заедно – чекор по чекор, општина по општина, проект по проект, стои во објавата на градоначалникот.