На 10 јуни со почеток во 11 часот и 30 минути, ќе се одржи комеморација за Ристе Велков, кој трагично го загуби животот во сообраќајна несреќа.
-Во чест на нашиот првенец, баритонот Ристе Велков, на 10 јуни 2026 година во 11.30 часот, на големата сцена на МОБ ќе се одржи комеморација.
Со почит кон неговото уметничко дело и неизбришливата трага што ја остави во македонската оперска уметност, ќе се потсетиме на неговиот живот, кариера и исклучителниот придонес кон македонската оперска уметност, стои во објавата на Национална опера и балет.
За потсетување, оперскиот пејач Ристе Велков, на 51-година почина заедно со синот Адам Велков (20) и негови другари Марко Ѓорѓиевски и Петар Миланов, во страотна сообраќајка на 21. мај. на обиколницата на Град Скопје, помеѓу надвозникот Визбегово и клучката Мирковци, кога Б.Б. (76) од Косово, управувајќи камион изгубил контрола и преминал преку металната ограда во спротивната насока на автопатот.