Општина Чаир во соработка со ЈП Комунална хигиена – Скопје спроведува проширена акција за чистење и уредување на јавните површини во пресрет на празникот Курбан Бајрам.
Како што соопштуваат од општината, екипи од терен заедно со сезонски работници се ангажирани во чистење на улици, тротоари и јавни простори во различни населби, со цел обезбедување почиста и поуредена средина за граѓаните за време на празникот.
Во рамки на акцијата, биле извршени и активности за чистење и уредување на дворовите на џамиите на територијата на општината, а работата продолжила и во текот на ноќните часови согласно потребите на терен.
Од Општина Чаир апелираат до граѓаните за заедничка грижа за јавната хигиена, со цел празникот да се дочека во достоинствена и уредена средина.