Пратеникот Оливер Спасовски, како дел од официјалната државна делегација на Република Северна Македонија, оствари посета на Ватикан и присуствуваше на прием кај Поглаварот на Светата Столица.
За време на разговорите со Папата Лав XIV биле потврдени блиските односи и долгогодишното партнерство меѓу двете држави.
„Во рамките на посетата на Ватикан, како дел од државната делегација на Република Северна Македонија, присуствував на средбата со Поглаварот на Светата Столица, Папата Лав XIV.“
Двете страни ја нагласиле потребата од понатамошно унапредување на меѓусебниот дијалог, разбирањето и заедничките вредности.
„На средбата беше потврдена традиционално добрата соработка и пријателските односи меѓу Северна Македонија и Светата Столица, како и важноста на дијалогот, меѓусебното разбирање и почитувањето на заедничките вредности.“
Посебен акцент за време на средбата бил ставен на историските и духовните симболи кои трајно ги поврзуваат македонската држава и Ватикан.
Истакнато е и огромното значење на епохалното дело на сесловенските просветители и хуманитарното наследство.
„Особено беше истакнато значењето на делото на Светите Кирил и Методиј и хуманизмот на Мајка Тереза, како трајни симболи што ги поврзуваат народите и културите.“