Најмалку четворица загинати во тешка сообраќајна несреќа што вчера вечер се случила кај на на скопската обиколница, во близина на Радишани. Како што објави Алсат, автомобил марка „бмв“ директно се судрило со камион, а од силината на ударот патничкото возило се запалило.
Press24 сѐ уште чека официјални информации од Министерство за внатрешни работи за вчерашната несреќа.
Како што објави телевизијата, најверојатна причина за несреќата е преминување на камионот со косовски регистарски ознаки во спротивната лента. Според Алсат, возачот на камионот најверојатно загубил свест поради замор непосредно пред сударот со „бмв“-то.
Возилото е целосно пеплосано. Засега е нејасно дали во четворицата загинати во „бмв“-то се семејство или група млади луѓе, но засега Алсат не ја исклучува можноста меѓу жртвите да има и деца.
Истражните органи во текот на ноќта извршиле увид на местото.
Несреќата се случила ноќеска, половина час пред полноќ.