На церемонија со највисоки државни и воени почести, денеска го пречекав и му посакав срдечно добредојде на швајцарскиот претседател, Ги Пармелан.
Во фокусот на разговорите беа севкупните билатерални односи, при што тридецениската соработка се оцени како пријателска и плодна.
Благодарност за континуираната поддршка на македонската евроинтеграција, како и за бројните и вредни донации во клучни области како што се: владеењето на правото, зајакнувањето на демократските институции, транзицијата кон зелена и обновлива енергија и заштитата на природните ресурси, особено на водата.
Изразив задоволство од реализацијата на оваа прва историска официјална посета на швајцарски претседател на земјава, со којашто се потврди партнерството меѓу двете држави, информираше претседателката на ФБ.