Денеска, четврток, 23 април 2026 година, нè очекува променливо облачно време со сончеви периоди. Според информациите од Управата за хидрометеоролошки работи (УХМР), во источните делови од државата постојат услови за појава на слаб локален дожд.
Дневната динамика ќе биде обележана и со умерен, а на моменти и засилен ветер кој ќе дува од северен правец. Температурите ќе се движат во интервал од 0 до 8 степени во утринските часови, додека максималните дневни ќе достигнат од 12 до 18 степени.
Во главниот град ќе преовладува променливо облачно време со сончеви интервали. Ќе дува умерен ветер од северен правец. Живата во термометрите ќе се спушти до 4, додека максималната дневна температура ќе достигне 18 степени.
Иако од УХМР најавуваат период на стабилно и потопло време со пораст на дневните температури, сепак утринските часови ќе останат свежи. Особено внимание е потребно в петок (24 април), кога на места се очекува утринските температури да се спуштат под нулата, што создава услови за појава на мраз.