Полицијата во Омаха, Небраска, усмрти 31-годишна жена која се обидела да киднапира тригодишно момче во локална продавница на „Волмарт“. Напаѓачката, идентификувана како Ноеми Гузман, го држела детето како заложник во количка за пазарење и го повредила со нож пред очите на полицајците.
Според полициското соопштение, полицајците пристигнале на местото на настанот седум минути по повикот и се соочиле со критична ситуација.
„Постои видео снимка на која се гледа како осомничената замавнува со нож кон детето и го сече во лицето. Во тој момент, полицајците отвориле оган за да го заштитат момчето“, изјави заменик-началникот Скот Греј.
Осомничената починала на местото на настанот, додека детето со длабока рана на лицето итно било пренесено во болница.