Во емисијата „Заспиј ако можеш“ на Алфа телевизија гостуваше пратеничката од редовите на ВМРО-ДПМНЕ. Таа се осврна на одржувањето на вториот дијалог, односно втората сесија на стратешкиот дијалог помеѓу Македонија и САД. Таа додаде дека нашата држава бележи големи успеси коишто треба да бидат гордост за секој македонски граѓанин.
„Освен овој стратешки дијалог којшто го отвораме со САД, ние претходно имавме и склучување партнерство со Велика Британија. Освен овој стратешки дијалог којшто го отвораме со САД, ние претходно имавме склучување на стратешко партнерство со Велика Британија, и многу важен момент за македонските граѓани беше и затворање на мониторинг од страна на Советот на Европа што буквално беше признание за нашата држава дека имаме владеење на правото и имаме демократија“, рече пратеничката Бојковска.
Бојковска нагласи дека делегацијата на нашата држава ќе оствари плодни средби коишто ќе и донесат бенефит на државата по однос на билатерални средби. Тааа истакна дека стратешкиот дијалог со сад претставува силно признание и успех за нашата определба и нашата посветеност кон склучување на силно стратешко партнерство со нашите партнери со САД.
„И овој момент којшто денеска еве ја предводи делегацијата на нашата држава, од страна на министерот за надворешни работи, Тимчо Муцунски, заедно со останатите министри, министерот за одбрана, министерот за дигитална трансформација и министерката за енергетика, којшто ценам дека исклучително преку плодни средби и коишто ќе и донесат бенефит на нашата држава ќе бидат остварени по однос на билатералните средби. Важно е да се нагласи што во моментов ние сме единствена држава што има склучено ваков стратешки дијалог со САД во оваа администрација на САД, и е признание и успех за нашата определба и нашата посветеност кон склучување на силно стратешко партнерство со нашите партнери со САД“, децидна е Бојковска.