Во Кривичниот суд денеска беа објавени аудиоснимки од бројот 112 кои ги откриваат последните часови од животот на Ивана Јовановска. Снимките покажуваат драматична борба со времето и институционални лавиринти, каде жртвата очајно барала полициска заштита пред да биде убиена.
Во клучниот повик, Ивана директно го пријавува сопругот Стојанче дека чува дрога во нејзиниот стан и дека ја држи заклучена вратата.
„Сакам да пријавам дека сопругот чува дрога во мојот стан“, вели Ивана, додека во позадина се слуша како му се заканува на сопругот со зборовите: „Ќе отвориш или да те пријавам?“.
Шокантно е што при првиот повик, операторот наместо полиција, ја упатувал несреќната жена да бара помош од куќниот совет.