Силно полициско присуство и специјални единици на терен се забележани рано утрово во неколку градови низ државата. Според неофицијални информации, Бирото за јавна безбедност при МВР, во координација со ОЈО за ГОКК, спроведува масовна акција насочена против организирана криминална мрежа.
Операцијата се одвива на повеќе локации во Скопје, Штип, Струмица, како и во познатото скопско село Грчец. Како што пренесува порталот „Нетпрес“, на удар е криминална група поврзана со нелегална трговија со кокаин.
Досега се извршени претреси на петнаесетина локации, а во рацете на полицијата наводно паднале и звучни имиња од подземјето. Меѓу приведените неофицијално се споменуваат лицата со презимиња Покрајчевалиев, Бојаџиски, Коцев, како и извесен Веле, познат под прекарот „Бикот“.