Денешното рочиште за пожарот во Кочани во кој загинаа 63 лица, помина во знакот на емотивното сведочење на Наско Карадаковски. Тој откри дека неговиот син Александар дознал дека е управител на фирмата поврзана со сопствениците на „Пулс“ дури кога се повредил и сфатил дека сам мора да ги плаќа болничките трошоци.
Сведокот истакна дека неговиот син бил под голем притисок и паника во периодот пред пожарот, свесен за одговорноста што ја носи како формален управител, иако реално не водел сметководство ниту одел во банка.
Александар бил пријавен за да се спаси лиценцата на сопственикот Дејан Јованов.
Покојниот работел во кафулето „Класик“, а не во дискотеката „Пулс“.
Александар се повредил помагајќи во градежни работи при реновирањето на дискотеката во 2024 година.
Судењето, кое го води судијката Дијана Груевска Илиевски, продолжува во фаза на доказна постапка. На следното рочиште се очекува сослушување на нов сведок, за кого судот најави присилно спроведување доколку повторно не се појави.
„Пожарот во дискотеката ‘Пулс’, кој избувна на 16 март 2025 година, останува една од најтешките трагедии во Македонија, со 63 жртви и над 200 повредени.“