Снежно невреме во текот на вчерашниот ден, 26 март, го зафати подрачјето на општина Центар Жупа. Интензивни врнежи од снег беа регистрирани во селото Новак, каде зимските услови повторно се вратија во втората половина на март.
Информацијата за влошувањето на временските услови ја сподели метеопрогнозерот Славчо Попоски, кој забележа дека станува збор за силно снежно невреме во овој регион.
„Снежно невреме во село Новак општина Центар Жупа 26 март 2026 четврток“, стои во неговата објава.
Иако сме календарски во пролет, високите места во овој дел од државата се соочуваат со вистински зимски услови.
Сношти снег вееше и во Охрид.
Метеопрогнозерот Славчо Попоски потврди дека неговите најави за спуштање на границата на врнежи од снег се остварија.
„Како што најавив од моја страна, снегот се спушти до градовите, Охрид во овие моменти“, информира Попоски.
Оваа промена доаѓа по силното снежно невреме кое вчера ја зафати општина Центар Жупа, потврдувајќи го студениот бран кој го зафати западниот дел од земјата.