Францускиот претседател Емануел Макрон му порача на својот ирански колега Масуд Пезешкијан дека нападите врз француските интереси на Блискиот Исток се апсолутно неприфатливи. Во објава на социјалната мрежа „Икс“, Макрон појасни дека дејствијата на Франција во регионот се исклучиво одбранбени.
„Го потсетив дека Франција дејствува исклучиво во одбранбена рамка насочена кон заштита на своите интереси, оние на регионалните партнери и слободата на пловидба, и дека е неприфатливо нашата земја да биде цел“, наведе Макрон.
Францускиот лидер побара и итно враќање на слободата на пловидба во Ормутскиот теснец, како и ослободување на двајцата француски државјани кои во моментов се приведени во Иран.