Во 2025 година извозот на информациски, компјутерски и телекомуникациски услуги достигна 676 милиони евра, што претставува зголемување од 7 проценти во споредба со 2024 година.
– Убави вести денеска – македонската ИКТ индустрија продолжува да руши рекорди во економијата. Според податоците на Народната банка, извозот на информациски, компјутерски и телекомуникациски услуги во 2025 година достигна 676 милиони евра, што претставува раст од 7 проценти во однос на 2024 година. Особено значајно е што ИКТ секторот остварува постојан раст и позитивен трговски биланс, напиша министерот за дигитална трансформација Стефан Андоновски на Фејсбук.
– Најголемиот дел од извозот доаѓа од компјутерските услуги, кои достигнаа речиси 600 милиони евра. Овие резултати уште еднаш покажуваат дека ИКТ секторот станува еден од клучните двигатели на економскиот раст, извозот и технолошката трансформација на нашата економија, пишува министерот Андоновски.