Најстудено утрово беше во Берово, каде температурата се спушти до минус 6 степени. Во Битола беше измерено минус 3 степени, додека во Скопје-Петровец термометрите покажаа минус 2. Се очекува дневните температури денеска да достигнат до 20 степени.
Во Крива Паланка, Претор, Струмица, Маврови Анови и Попова Шапка температурата утрово беше минус 1 степен. Во Тетово, Прилеп, Велес, Демир Капија и Гевгелија се измери нула степени, додека во Скопје-Зајчев Рид, Куманово и Крушево температурата достигна еден степен, а два степени беа измерени во Штип, Охрид, Кавадарци и Виница.
На Попова Шапка е измерена снежна покривка со висина од 63 сантиметри.
Времето денеска ќе биде сончево и релативно топло со мала локална облачност. Ќе дува слаб до умерен ветер претежно од јужен правец, а максималните температури ќе се движат од 14 до 20 степени.
Во Скопје се очекува претежно сончево време со слаб до умерен ветер од југоисточен правец, а максималната температура ќе достигне до 19 степени.